息影多年的夏文汐定居上海，去年曾低調出席過活動，上周四，記者發現夏文汐在中環 ifc出現，剪了一頭時尚短髮的她，穿上杏色乾濕褸、架上墨鏡，看來比前清減，星味不減。
夏文汐和公關周美鳳在 ifc閒逛，入了專賣華麗晚裝的德國名牌 Escada，兩人在店內 shopping，夏文汐左逛右逛，之後就匿入試身室，由周美鳳不停拎衫遞入試身，在試身室試了近半小時，夏文汐才施施然換了一件粉紅色的背心連身裙出來，更襯了一對 4吋高跟鞋，她行 catwalk般在店內走了兩個圈照鏡，似乎十分滿意，之後就返回試身室換衫，出來後意猶未盡，繼續留在舖內睇衫，主攻鮮色搶眼新裝，如紅色長褸、閃片頸飾等，最終 shopping成功，買了一袋衣飾離開，兩人再轉場上 3樓的 G Bar飲茶。
明出席活動
記者昨日聯絡了周美鳳，她透露跟夏文汐在息影前已認識，當年曾在電影《說謊的女人》中合作，多年前在新加坡重逢，她說：「近兩三年佢搬咗去上海，但媽咪仲喺香港住，所以都兩頭飛咁。」她指夏文汐來港兩天，為明天舉行的美容品 La Mer活動置裝、護膚等，問她夏文汐是否有意復出？她說：「如果有嘢啱咪做，我諗佢都係玩票形式，唔係真係好恨錢，好恨做嘢。」
採訪、攝影： Pang Chung Yin
0 意見:
Post a Comment